Yon kaskad anba dlo ? Wi ou byen li ou pa fè fot. Si pase sou tèt zile Maurice la nan zòn sidwès la nan kontinan afrik la, wap gen chans asiste ak yon fenomèn mirakile ki vrèman san parèy ki se yon chit dlo anba lanmè a !
Gen yon enkwayab kaskad anba lanmè ble tikwaz sa, yon peyizaj ki san parèy e ki vreman waaww, franchman pa gen mo. Men mefye nou kanmèm de aparans yo ! bagay sa ki sanble ak yon chit dlo a se yon chit sab ki ak tout fòs ak yon vitès de 400m pwofondè nan fon abim lan, ki sòti de yon plato kokotye e ki antrene nan yon abim trè pwofon pa kouran oseyan an. Fòk nou konnen ke zile Maurice la te kreye sa gen anviwon 8 milyon dane pa plizyè eklatman volkanik. Zile sa twouve’l sou youn pi gran plato soumaren ki nan oseyan endyen an, arebò plato a.
Kouran dlo oseyan an pouse sab plaj avwazinant yo deyò plato a, konsa ki pwodwi efè yon chit dlo. Montay ki chita dèyè kaskad la, rele “Mòn Brabant”, pi presizeman rele “Le Morne’’. Li ki mesire 550m altitid e li klase nan patrimwan mondyal UNESCO.
‘’Mòn Brabant’’ ke nou remake dèryè plan ki sou foto a kaskad
soumaren an, te yon refik pou esklav ki te konn mawon nan peryòd 18e syèk la. Ki pwoteje pa yon pant apik ki nan montay la, ki preske pa gen aksè pou antre la e li kouvri ak forè, esklav ki te konn evade yo te fòme yon kominote nan gwòt ki nan mòn yo. tradisyon oral konsène esklav mawon yo te fè de montay sa yon senbol de soufrans pou esklav yo, lit pou libète yo ak sakrifis yo. rasanbleman sa te rele ‘’Repiblik mawon yo’’ akoz de nonb enpòtan esklav ki enstale yo nan montay la.
Fòk ou ta pase sou tèt zile pa elikoptè pouw ta admire mèvèy zile sa ofri ak touris yo ! siw pa jwenn ni mwayen ni okazyon pouw ta rann ou laba pouw ta admire espektak san parèy sa, ebyen Google Earth ap ran ou sèvis la! Ale sou pwen GPS sa : 20° 28.354' S 57° 18.698 E
Gen kèk chanse ki rive vole bel kaskad sab sa avek yon dron oubyen yon elikoptè men chwa elikoptè a pi bon siw vle wèl ak pwòp zyew.
Ou pa ta renmen vizite kote sa ?😍
Comments