Zile Aogashima, Japon

Dekouvè Aogashima, zile kote genyen 200 abitan ki koabite avek yon volkan ki an aktivite. Apeprè de 350 km nan sid vil tokyo wap jwenn yon zile ki vreman patikilye, direkteman nan mitan oseyan pasifik la. Non li se « Aogashima. Sa ki fè patikilarite’l : se an reyalite yon kratè volkan ki toujou an aktivite e ki gen malgre tou 200 abitan. Aogashima se yon zile abitab ki sitye’l plis nan sid achipel japonè a « IZU ». li konstitye de yon kratè eksteryè, kif è entegralite perimèt izole a tandiske gen yon kratè volkanik ki twouve’l a yon segond de anndan zile a. 2 volkan toujou aktif.

Dayè, Aogashima te konsidere kòm yon volkan de « Klas C » pa ajans meterolojik peyi japon. Epoutan, dènye debòdeman’l date nan lane 1780 men li te telman pwisan alepòk ke li te rive tiye mwatye popilasyon zile a. sa’k te chape yo te kouri kite zile a men 50 lane aprè katastwòf gen lòt moun ki vin enstale yo. daprè dènye resansman yo te fè nan lane 2009, selman 205 moun ki ap viv laba malgre risk yo.

Zile a totalman izole, Aogashima posib pouw pile’l selman pa bato, menm pa gen okenn pò pou sa akoz de falèz yo. aprèsa lòt mwayen an se elikoptè depi sou zile vwazin lan ki se « Hachijojima », li sitye a 60km de li. Transpò pa elikoptè a te kòmanse pa lwen ke nan lane 1993, avan sa, manje ak lòt nesesite yo te antre selman pa bato, e abitan yo pat gen okenn mwayen pou yo pou yo te konnen kilè pwovizyon yo ap vini. Dezòmè, elikoptè rive sou zile a yon fwa pa jou pou selman 9 pasajè ; menm si chak jou bwoya lafimen toujou rann sikilasyon an difisil. Pou ya ka chofe yo, abitan zile a itilize ak enèji jeotèmik « geothermique » volkan an. Gras ak menm enèji sa, yo menm rive kapab kwit manje ki senp yo, manje esansyel ke zile a bay tankou (pwason. Legim, etc…)

Lòt resous zile a, ki itilize enèji sa toua k « Sel hingya », yon sel ki de trè bòn kalite nan kek kwizin japonèz yo. li pwodwi nan ti izin ki sitye sou kote kratè ki andan zile a pandan ke yo itilize dlo lanmè a « Kuroshio », ki rich ak minewo ak kalsiòm, e reyalize’l sou plizyè semèn gras ak vapè volkan an ap degaje a. Malgre distans zile sa twouve’l, Aogashima kanmenm toujou gen touris ki vin vizite’l, sitou pa moun ka chache yon ti kalm epi benyen nan sous dlo cho zile a. avek admire peyizaj twopikal, e sitou ankò pou lannwit lan pou yo ka kontanple richès nati a.

---

Western Union

Réserver