> >
 
Rechercher
  • Wilgens Sterling

Tijuana, Vil ki pi danje tout mond lan

Vil meksik sa ki se « Tijuana », li sitye’l sou fwontyè sid califòni a, li te anrejistre 134 mò pou 100 000 abitan nan lane 2019 la. Tris rekò sa plase vil an tèt de vil ki pi danje nan mond lan. Jodi a nou gen chans pou’n kabap fè w wè a kisa vil sa sanble an reyalite, kote klandesten, trafik dwòg, jwèt lajan sal ak pwostitisyon.


« Welcome to Tijuana, tequila, sexo y marijuana” se selèb chanson de Manu Chao ki ap amize’l de la vi san fren ak repitasyon de danje de vil tijuana. Men tit sa trè lwen pou yon lòt vil ta vòlè tit sa.

Li sitye’l sou fwontyè avèk etazini, nan sid vil californie, vil meksikèn sa ki gen 1.7 milyon abitan pa sispann gen tansyon. Se vrèman yon sous enspirasyon pou amatè (roman polisye) yo. e pou rezon sa : Tijuana ap soufri de yon repitasyon « vil ki pi danje depi deja plizyè ane ».

Klandesten, Trafik dwòg, Asasina

Klandestinite, trafik dwòg, rezo pwostitisyon, gang, jwèt lajan sal, tout bagay sa yo kontribye nan rann vil sa selèb nan move sans lan. Men daprè yon estatistik yo te rann piblik daprè plizyè jounal nasyonal e entènasyonal, Tijuana dezòmè pran rekò mondyal asasina sou tèritwa li.

Avek yon rasyo de 134 mò pou 100 000 abitan, tijuana ta devni vil ki pi danje nan mond lan e menm devan tout lòt vil meksikèn yo tankou : Uruapan, Irapuato Obregon, Caracas nan peyi venezuela ak Le Cap nan peyi afrik di sid.

34 608 asasina

Tijuana konte plis ke 2367 mò nan lane 2019, selon yon gwoup meksiken ki te vle “atire atansyon sou vyolans vil sa, an patikilye nan amerik latin lan, pou ke responsab ki sou pouvwa ta pran sa an chaj, pou pwoteje ak garanti sekirite piblik la” daprè Kosé Ortega Sanchez Ortega, direktè consèy sitwayen yo pou sekirite piblik la ak jistis penal la, kit e kesyone pa yon jounal meksiken ki se “Yucatan Times”. Daprè li, gen omwen 34 608 moun ki te asasine nan lane 2019 la nan peyi meksik, ki fè pati de 50 vil ki pi danje nan mond la akoz de kriminalite òganize.

Depi deja plizyè ane, anpil peyi entèdi ak pèp yo pou yo evite ale nan vil sa akoz ensekirite k'ap taye banda ladanl la. Pa egzanp lafrans : ki klase Tijuana nan zòn wouj, ki siyifi ke gouvènman pap vin ede okenn touris ki ale riske vi yo laba.


“Tijuana, sitye’l nan eta de Baja California, nan nòdwès peyi meksik, ki se yon leman ki atire anpil jèn vwayajè, prensipalman nan californie. Li sèvi tankou koulwa pou katèl k'ap fè trafik dwòg e konstiye yon chemen de pasaj pou imigran san papye k'ap mande azil politik e pase illegal pandan administrasyon Trump lan alepòk nan peyi etazini.” Daprè jounal britanik de Daily Mail.

Gen anpil patwouy polis meksiken k'ap veye lannwit kou lajounen fwontyè etazini meksik la.

Polisyon, Mizè

Avèk « Ciudad Juarez », ki pi a lès an fas “El paso”, Tijuana konte plis asasina ki fèt atravè katèl dwòg yo, souvan sible jèn yo ak jèn fi k'ap batay pou viv. Yon semèn pa janm pase san yo pa dekouvri yon nouvo kadav ki krible ak bal.

Tijuana se yon vil chaje anbyans, chaje ak kazino nan menm nivo ak « Las vegas » kote lajan ap koule san rete. Tout bagay sa yo nan yon rejyon ki malerezman envivab e pòv, devaste pa polisyon, izin fatra ak pwodwi toksik enstale pa ameriken ki rich, k'ap tiye popilasyon an detanzantan parapò ak polisyon yo.

Se akoz de yon lanmè melanje avek yon tèritwa anpwazone, yon vi mizè ak yon to kriminalite òganize ki trè elve, kifè anpil meksiken pa sispann tante travèse fwontyè ameriken an, men koripsyon ak represyon souvan detwi rèv yo.

 

Pa bliye kite yon LIKE si'w te renmenatik la, ou kapab kite yon kòmantè tou pou' w di nou kisa w panse de atik la.


desann anba nèt pou'w ka kòmante



@Five Stars Turismo

2 299 vues0 commentaire

POSTS RÉCENTS

 
>