Sunrise Airways lanse vòl a destinasyon Panama ak kèk lòt peyi nan Amerik Latin nan

Nan yon kominike yo pibliye lendi 22 mas 2021 an, responsab konpayi Sunrise Airways yo anonse lansman yon lyezon ant Pòtoprens ak Panama epi plizyè lòt peyi se.nan Amerik Latin nan tankou Brezil, Chili ak Kostarika.

Selon sa ki di nan kominike sa a, ap gen 3 vòl pa semèn ki pral Panama kap koute $199 pou ale sèlman nan yon Airbus A 320.

Gras ak nouvèl lyezon sa a pasaje yo ap ka rann yo tou dirèkteman nan peyi Brezil, Chili epi Kostarika ak Copa Airlines.

Kominike a anonse, pou fini, lyezon sa ap pèmèt pasaje yo vwayaje atravè lòt peyi gras ak Explore Caraibean.

Sunrise Airways se yon konpayi aeryen 100% ayisyen, ki fonde depi 2010. Li gen nan tèt li Philippe Bayard.