Li sitye nan Sant Patagonie, Pak nasyonal Torres del Paine lan se yon sit ki gen yon bote ki ra. Espektak peyizaj li bay a travè rivyè yo, lak yo ak montay yo toujou kaptive atansyon tout vizitè yo. li konsidere tou kòm yon mèvèy san parèy nan nati a e ki vo lapèn pou vizite.
Sifas la kouvri anviwon 200 000 ekta, pak la twouve’l presizeman tou prè fwontyè ajantin lan, nan sid peyi chili. Li twouve’l sou yon tèritwa ki nan komin ‘’Torres del Paine’’, nan pwovens ‘’Ultima Esperanza’’, nan rejyon ‘’Magallanes ak Antaktik chilyen’’. Pak nasyonal Torres del Paine lan pataje fwontyè nò li a avek ‘’Pak nasyonal Glaciares peyi Ajantin ak Pac nasyonal Bernardo O’Higgins nan lwès li’’.
Pak nasyonal Torres del Paine lan dwe apelasyon’l lan gras ak 3 fòmasyon granitik ki abrite sou tèritwa li a e ki sanble ak non an. Aprè 3 tou sa yo, pak la abrite tou anpil montay, plizyè lak, plizyè glasye, plizyè rivyè ak kaskad. Nati li ak peyizaj ekstraòdinè li a kite vizitè yo bouch-be achakfwa ke yo vin an mas, non selman pou yo relaks yo nan nati abondant sa men tou pou yo ka fè ‘’Trekking’’. Sit la rekoni tou pou wotè li nan mond lan pou pratike disiplin sa. Gen plizyè otel ak refij ki bati sou chemen an pou te ka fè yon sel ak nati a.
