Èske w gen ide de lajè yon bon teren foutbòl ? Èske w panse gen lòt bagay ki pa stab ke lèzòm ta ka fè nan menm lajè a ? Ebyen si w te g on panse negatif de sa, ou fenk kare nan erè paske lèzòm fè plis ke sa. E pami jan de mèvèy sa yo ke lèzom fè, nou vin pale w de avyon. Se pa nenpòt ti avyon men pito 8 pi gwo avyon, nou ta kapab konpare ak yon teren foutbòl, ki egziste sou ti bout tè sa. · Stratolaunch
Avèk 117 mèt nan sa yo rele envergure la ( rapò deplwaman zèl avyon an ak pis la), 230 tòn, motè sis Boeing 747 ak 28 wou, Stratolaunch a se pi gwo avyon ki te ka konstwi. Li arive konstwi gras ak finansman bilyonè Paul Allen, ko-fondatè Microsoft ki te mouri nan lanne 2018, aparèy jigantèsk sa a fèt pou lanse satelit sou òbit. Dènyemanla, yo reyalize premye vòl yo e nan sans sa li se pi gwo avyonke lèzom konstwiki vole deja. · Antonov An-225 Mriya
Pandan lontan,Antonov la te mèt e seyè nan zafè gwo avyon, se tou dènyeman la ke Stratolaunch lan depase l. Avèk 84 mèt nan longè, prèske longè nan yon teren foutbòl, Antonov AN-225 Mriya a se avyon ki pi long ak pi lou ki janm bati. Li fèt nan peyi Ukraine lè peyi a te toujou tache ak blòk Sovyetik la, li ka pote 640 tòn machandiz. Gen yon sèl grenn nan avyon sa, ki sou lejid Antonov Airlines. Li vole sèlman yon fwa oswa de fwa nan yon ane kote ke l transpòte gwo bout tonton ekipman , tankou an 2009, yon dèlko ki peze apeprè 187.5 tòn a destinasyon de Ameni, se materyèl ki pi lou ke yon avyon transpòte. Anpil diskisyongentan sou pye ak yon konpayi Chinwapou rekòmanse pwodiksyon an. · A380-800
Fonksyonèl an 2005, A380 bese rit la, nan mwa fevriye 2019 lan, pa anonse nan fen pwodiksyon li yo. Avèk yon kapasite teyorik 850 pasaje, li se pi gwo avyon sivil ki te ka egziste. Menmke l toujou an pratik, okenn nan 234 modèl yo ki an sèvis pa gen plis pase 615 plas.Avyon an tèlmanekstraòdinè (79,7 mèt envergureak 72,7 mèt nan longè) ke plizyè èpòt te oblije fè aranjman pou akomode li.
· Boeing 747-8
Menmke li depase pa A380-800 lan an tèm de kapasite, Boeing 747-8 la rete, jounen jodi an, avyon ki pi long nan mond lan ak 76,3 mèt li yo. Avyon jeyan ki destine pou fè vwayaj long se senkyèm vèsyon an nan 747 lan, k ap gouvène an mèt e seyè nan syèl la depi plis ke 50 ane ak plis pase 1,570 machandiz ki livre. Vèsyon 747-8 lan kapab akeyi 410 pasaje epi konsome 16% gaz an mwens pase predesesè li yo tankou, 747-400 la, e se gras a nouvo motè li yo, zèl ak fuselage ki pwolonje. 747-8 la disponib tou nan yon vèsyon kago, ak yon kapasite transpò 140 tòn pou yon distans de 8.130 km. · Hughes H-4 Hercules (Spruce Goose)
Aprè Stratolaunch lan, Hughes H-4 Hercules la rete pi gwo avyon ki janm vole ak 97,50 mèt envergure li yo ak 24 mèt de otè. Anfèt : idravyon transpò militè sa te sèlman vole yon fwa nan lanne 1947 epi sèlman rete anlè pou 21 minit anwo dlo a. Anfèt , "Spruce Goose" te bati antyèman an bwa akòz domaj lagè a sou materyèl estratejik yo. Grenn kopi sa ki rete a, ou ka sèlman jwenn li jodi a nan Mize Aviyasyon Evergreen ki nan McMinnville, Oregon (Etazini). · McDonnell Douglas KC-10 Extender
Li Konstwinan lanne 1970 yo apre Lagè Vyetnamlan, KC-10 Extenderse avyon ki gen pi gwo kapasite gaz : 6 tank jigantèsk li yo ka kenbe yon kapasite maksimòm de 200,000 lit gaz. Wòl li se pou ravitaye avyon transpò, bonm oswa avyon de gè taktik. KC-10 la te itilize, an patikilye, pandan Gè Gòlf la an 1991 epi an Kosovo nan lane 1999. Anviwon swasantinite li yo toujou an sèvis jounenjodi a, 2 nan yo fè pati de fòs aeryen Olandè yo, Lòt yo se pwopriyete Fòs aeryen Etazini. · Tupolev Tu-160 (Cygne blanc)
Avèk yon pwa nan dekolaj ki ka rive jiska 275 tòn, Tupolev Tu-160 a ( "Cygne Blanc") gen yon vitès maksimòm ki plispase 2,000 km / h epi ki ka pote jiska 40 tòn zam (misilkwazyè, lòt zam nikleyè ...). Fonksyonèl an 1987 pandanGè Fwad la (URSS/USA), Bonbadye Ris sa se avyon konba ki pi pwisan nan mond lan e li gen yon otonomi ki ka ale jiska 18,000 km ak nan-vòl ravitaye. Li se de lwen
dènye modèl ki ta ka soti : yon mak nouvo vèsyon ak motè byen ekipe, sistèm defans akkominikasyon tèt chaje, gentan an pwodiksyon an.
· Antonov An-124 (Condor)
Avèk yon kapasite de 120 tòn sou yon distans de 5,400 km, Antonov An-124 a se pi gwo avyon transpò sivil ak militè nan mond lan ki pwodui an mas.Yo rele l tou Condor nan òganizasyon Trete Nò Atlantik la (OTAN), li pèmèt transpò a nan chaj ekstraòdinè tankoulokomotiv, trepye, satelit,bato ... e menm yon obelisk peyi Letyopi, an 2005. Lame franse a la menm, REKOU de tan zan tan. Reyalize nan ane 1980 yo, gwo avyon sa te modènize plizyè fwa epi yo ka chaje devan oswa dèyè ak ranp chajè espesyal li.
Rechèch ak redaksyon : Luckensly LUMA
