7 Bagay pouw konnen sou Panama

Rekonèt nan tout mond lan pou « Chapo panama oubyen Jipijapa » ak kanal li a. Panama gen yon lòt ti non ki se « Pon ki reyini 2 mond yo », Nò amerik la ak Sid amerik la. Ekonomi li enflyanse kwasans PIB a de 6% anplis chak ane, pandan peryòd 2010-2019 la. Siw ta renmen fon vizite oubyen ouvè biznis laba. Ebyen dekouvri lis 7 pwen sa yo avek nou ki kapab edew nan pwosesis ou a.

1- Premye tantativ ki pat pote fwi sou konstriksyon kanal sila a te fèt pa lafrans (1881-1903), sou lòd diplomat Mr Ferdinand de Lesseps. Projet a te kontinye avek etazini e ki te finalman ouvè ofisyelman nan lane 1914.

2- Sèvis yo se baz ekonomi nasyonal la, avek sèvis finansyè yo ak komès machandiz yo ki se sektè prensipal la. Answit lòt motè ekonomi panameyèn la se « Zona de libre comercio de colon », ki vin gen plis enpòtans chak jou an tèm de fabrikasyon ak distribisyon machandiz yo. Panama se dezyèm pi gran zòn komès lib nan mond lan, aprè Hong kong.

3- Li se yon peyi san bank santral. Deviz ofisyel yo se “ Balboa, men peyi a itilize dola tankou deviz chak jou. Ekilib yo fè avek dola siyifi ke yon bank santral pa nesesè, donk yon bank santral tradisyonel pa egziste nan peyi sa.

4- Popilasyon an se 4.2 milyon abitan, rejyon metropolitèn kapital, Ki se vil Panama a, se kote ke mwatye nan popilasyon an abite. Nan lane 2019, PIB chak gwenn abitan te 15 731 dola.

5- Ekspòtasyon yo te touche chif 5,85 milya dola nan lane 2019. Peyi ki nan zòn enflyans li yo, peyi tankou Colombie ak Costa rica, te ekspòte 39.49 milya ak 11,45 milya kòm dabitid.

6- Ekspòtasyon sèvis yo te rive nan chif 13,93 milya dola nan lane 2019, avek yon benefis kolosal nan koze komès ki te 8,8 milya dola. Sèvis yo se te:

• 51% Transpò

• 33% Touris

• 8% Sèvis finansyèl yo

• 4% ak lòt sèvis antrepriz yo

• 2% Sèvis de télekominikasyon, enfòmatik ak enfòmasyon

7- Nan lane 2019, rantre envestisman direk yo ak peyi etranje yo te atire 5,89 milya dola. Pandan peryòd 2015-2019 la, peyi ki fè plis envestisman nan ekonomi panama yo se : Etazini, Kolonbi ak kanada.