> >
 
Rechercher
  • Wilgens Sterling

5 kote ki vreman enkwayab nan peyi Turquie

Siw déjà prevwa pati nan peyi Turquie, Oubyen siw se moun ki ta renmen ale, ebyen men 5 kote ki vreman enkwayab pouw ta wè nan bel peyi sa ki sitye’l ant kontinan Azi a ak Ewop la.

- Peyizaj Cappadoce

CAPPADOCE, se yon destinasyon touristik ki trè vizite nan peyi Turquie. Rezon an, sèke peyizaj inik li e alafwa ireyel sa koz li vin eksepsyonel. Li ranpli ak woch an fòm chemine avek de seri de konstriksyon ki fèt nan gwòt ki fouye avek men moun, CAPPADOCE se yon mèvèy a admire. 30 milyon ane de sa, rejyon sa te frape pa 3 eripsyon volkanik ki kite dèyè li yon gwo wòch ki rele TUF. Answit aprè plizyè ane, degradasyon bay nesans a pil falèz sa yo ki atire anpil touris. Siw ta renmen wè mèvèy sa, nou konseyew rezève yon vol nan yon « Montgolfière », wap renmen sa !

- Monastère de Sumela

Li sitye’l nan provens Turque de Trabzon, monastère de Sumela twouve sou tèt yon falèz, bò montay Karadag la, ki sityel nan mitan Pak nasyonal Altindere, li benefisye’l de yon bel forè kote rivyè Degirmendere a ap koule, ki te konstwi an Ive syèk. Li vreman enpresyonan pou vizite, monastère de Sumela sispandi apeprè de 1200 m de wo. Sa gen 20 lane de sa, li te figire sou list tanporè de sit patrimwan mondyal UNESCO a. aprè plizyè travay de restorasyon aprofondi ki te dire 3zan edmi, monastè a reouvè pòt li ankò pou la plus belle.

- Sit natirel de Pamukkale

A lwès nan peyi turquie wap jwen yon sit natirel Pamukkale, ke yo rele tou « Chato Koton » an bon kreyòl. Ki skilte pa nati a ak tan, plizyè kaskad an wòch rive fòme apati de yon sous dlo cho ki gen yon kantite kalkè enòm, kote ke tanperati a ka grenpe pafwa jiska 45 degre. Lè li ap evapore, dlo kalkè a kite yon kantite de kouch, e’l kreye pisin natirel say o, kotew ka benyen si kantite dlo a pèmèt sa. Espas mayifik sa li vreman enkwayab e li te klase nan patrimwan mondyal UNESCO nan lane 1988 epi plizyè milyon de vizitè toujou ap batay pou al wè’l chak ane. Gen yon ti bagay pouw konnen: moman kouche solèy yo vrèman epoustoflan!

- Moske Istanbul yo

Ou pa ka ale nan peyi turquie san vizite bel vil Istanbul la. Vil Istanbul sa se san dout vil ki pi rekonèt nan tout vil turquie yo, li divize an 2 gran pati pa detroit Bosphore la : youn Aziatik ak lòt la Ewopeyèn. Non selman li chame vizitè li y opa melanj kiltirel li yo, Istanbul kite vizitè’l yo bouch be avek achitekti li yo. se toujou menm bagay pou Moske Bleue a, ki sitye’l nan katye Sultanahmet. Moske sa drese anfas Bazilik Sainte-Sophie a, ki reprezante yon senbol de rankont ant Oryan ak Oksidan. Ki se yon ansyèn bazilik kretyen Constantinople ki vin devni non selman yon moske men yon mize tou, Sainte-Sophie te rekonet tou pou richès mozayik li yo epi rete jodya youn nan moniman ki pi vizite nan vil Istanbul la.

- Site Akeolojik Efèz la (Site archeologique d’Ephese )

Amatè akeolojik greko-romèn yo ap vreman konble lè yal vizite site antik efèz la. Ansyèn site grèk sa, sitye’l a 80 km nan sid Izmir e tou prè de Selcuk, li atire plizyè touris paske’l posede youn nan 7 mèvèy antikite yo, ki se : ARTEMISION, ki se tanp ki dedye ak ARTEMIS. Patrimwan ki pi espektakilè kote sa date de tout epòk romèn yo, tankou Teyat an plenè a ki ka pran 25 000 espektatè, oubyen ankò yon bibliyotèk Celsus. Tout debri fèz yo dispèse nan yon espas anviwon 8km2. Plizyè fouy, travay restorasyon ak rekonstriksyon akeolojik yo te fèt sou teren sa gen pllizyè ane.

 

Pa bliye kite yon kòmantè anba post la si toutfwa ou te twouve atik la entèresan.

317 vues0 commentaire

POSTS RÉCENTS